अमृता आचार्य

अमृता आचार्य एक नेपाली – युक्रेनी मूलकी बेलायती अभिनेत्री हुन्। उनी एचबिओ शृङ्खला 'गेम अफ थ्रोन्स'मा आइरी नामक पात्रको रूपमा र आइटिभी शृङ्खला 'द गुड कर्मा हस्पिटल'मा डा. रुबी वाकरको भूमिकामा आफ्नो अभिनयको कारण दर्शकमाझ लोकप्रिय छिन्।

प्रारम्भिक जीवनी

आचार्यको जन्म काठमाडौँ, नेपालमा भएको थियो। उनको बुवा गणेश आचार्य, स्त्री रोग विशेषज्ञ हुन् भने उनकी आमा लरिसा आचार्य, युक्रेनी वास्तुकार हुन्। उनको बुवा गणेश आचार्य, किभको मेडिकल विद्यालयमा अध्ययन गर्दै गर्दा अमृताकी आमा लरिसा आचार्यसँग भेटेका थिए। उनी काठमाडौँ, युक्रेन, इङ्ल्यान्ड र नर्वेमा हर्केकी हुन्। आचार्यले आफ्नो वाल्यकालको पहिलो सात वर्ष नेपालमा बिताएकी थिइन्। उनको बुवाको जागिर इङ्ल्यान्डमा भएपछि उनी आफ्नो परिवारसहित त्यहाँ सरेकी थिइन् र त्यपछि उनी १३ वर्षको हुँदा नर्वे गइन्।

१९ वर्षको उमेरमा नर्वेमा आफ्नो उच्च विद्यालयको शिक्षा सकेर उनी अभिनय क्षेत्रमा आफ्नो करियर बनाउन इङ्ल्यान्ड गइन्। उनी इङ्ल्यान्डको एएलआरए प्रतिष्ठानबाट अभिनय कलामा प्रशिक्षित भएकी हुन्।

करियर

आचार्यले 'गेम अफ थ्रोन्स' नामक टेलिभिजन शृङ्खलाको पहिलो दुई सिजनमा डेनेरिस टार्गेरियनको घरमा काम गर्ने नोकर 'आइरी'को भूमिकामा अभिनय गरेकी थिइन्। दोस्रो सिजनमा उनले अभिनय गर्ने पात्रको मृत्यु भएको थियो। प्रसारण कार्यक्रमबाट काटिएको उक्त दृश्यमा, आइरीलाई उसको समकक्षी ह्यान्डमेडन डोरहाले (रोक्सेन म्याककिनद्वारा अभिनीत) घाँटी थिचेर मारेका थिए।सो दृश्यको छायांकन गर्दा आचार्यलाई घाँटीमा चोट लागेको थियो।

सन् २०११ मा, आचार्यले बिबिसीद्वारा निर्मित क्रिसमस टिभी चलचित्र 'ल्यापल्यान्ड'मा अभिनय गरेकी थिइन्।उनले जीवनीमाथि आधारित चलचित्र 'द डेभिल्स डबल'मा विद्यालयकी एक जना केटीको भूमिकामा अभिनय गरेकी थिइन्।

आचार्यले नर्वेली भाषाको मुख्यधाराको चलचित्र 'आई एम योर्स'मा मुख्य पात्रको भूमिकामा अभिनय गरेकी थिइन्, जस भूमिकाको कारण उनले नर्वेको अमान्डा पुरस्कारको लागि सर्वश्रेष्ठ अभिनेत्रीको नामाङ्कन प्राप्त गर्न सफल भएकी थिइन्। यो चलचित्रलाई विदेशी भाषा विधातर्फ एकेडेमी पुरस्कारमा प्रस्तुत गर्नको लागि नर्वेबाट छानिएको थियो।

सन् २०१७ देखि हालसम्म उनले आइटिभी शृङ्खलाको 'द गुड कर्मा हस्पिटल'मा डा. रूबी वाकरको रूपमा अभिनय गर्दै आएकी छिन्। आचार्यले सो टेलिभिजन शृङ्खलामा एकजना एनएचएस जुनियर डाक्टरको भूमिकामा काम गरेकी छिन्, जसले आफ्नो निजी जीवनमा काम र व्यक्तिगत दुविधाको सामना गरेकी थिइन्। शृङ्खलामा उनले दक्षिण भारतीय राज्य केरलको एउटा सार्वजनिक अस्पतालमा काम गर्दा बखत आउने समस्याहरूलाई समाधान गर्न पहल गर्दैछिन् (यद्यपि कार्यक्रमको छायाङ्कन चाहि वास्तवमा भारतमा नभएर श्रीलङ्कामा भएको थियो)। यस शृङ्खलामा आफ्नो स्तरीय भूमिकाको कारण उनलाई सर्वश्रेष्ठ ड्रामा प्रदर्शन विधामा सन् २०१९ को राष्ट्रिय टेलिभिजन पुरस्कारको लागि उनलाई मनोनयन गरिएको थियो।

उनी ब्रिटिस मनोवैज्ञानिक थ्रिलर 'वेलकम टु क्युरियोसिटी'मा मुख्य पात्रको भूमिकामा देखा परेकी थिइन्। यो चलचित्र निर्माण गर्न चाहिने आर्थिक भार, विश्वमा सम्भवत जन सहयोगमार्फत जम्मा गरिएको पहिलो अवसर थियो। यस चलचित्रका निर्माताहरूले जन सहयोग मार्फत लगभग £२,००,००० जोड्न सफल भएका थिए। यो चलचित्रमा एकजना शृङ्खलावद्ध हत्यारा जो जेलबाट भाग्न सफल भएको थियो, त्यसैको आधारमा ४ वटा परस्पर जोडिएको कथावस्तुसँग सम्बन्धित छ। यो चलचित्रले खराब समीक्षा प्राप्त गरेकी थियो।

व्यक्तिगत जीवन

आचार्यले सन् २०१६ को लन्डन म्याराथनमा भाग लिएकी थिइन् जसमा उनले ०३:४६:०७ मा दौड पूरा गरेकी थिइन्।

उनी छोराछोरी नामक परोपकारी संस्थाको राजदूत हुन्, जसले भारतबाट विस्थापित र बेचिएका नेपाली बच्चाहरूलाई उद्धार गर्न काम गर्दछ। उनलाई युक्रेनी, रूसी, अङ्ग्रेजी, र नर्वेली भाषाको ज्ञान छ। उनलाई नेपाली बोल्न आउँदैन तर उनले नेपाली भाषा सिक्ने योजना गरिरहेकी छिन्।

फिल्मोग्राफी

रङ्गमञ्च

सन्दर्भ सामग्रीहरू

नेपाली विश्वकोशका सम्पादकहरू। “अमृता आचार्य”। नेपाली विश्वकोश, २ अक्टोबर २०२६। https://nepaliencyclopedia.com/nepali-encyclopedia/अमृता_आचार्य (हेरिएको १२ नोभेम्बर २०२६ / वि.सं. २६ कात्तिक २०८३)।

Nepali Encyclopedia Editors. (2026, October 2). अमृता आचार्य. In Nepali Encyclopedia. Retrieved November 12, 2026, from https://nepaliencyclopedia.com/nepali-encyclopedia/अमृता_आचार्य

“अमृता आचार्य.” Nepali Encyclopedia, 2 October 2026, https://nepaliencyclopedia.com/nepali-encyclopedia/अमृता_आचार्य. Accessed 12 November 2026.

Nepali Encyclopedia Editors. “अमृता आचार्य.” Nepali Encyclopedia. Last modified October 2, 2026. Accessed November 12, 2026. https://nepaliencyclopedia.com/nepali-encyclopedia/अमृता_आचार्य.

@misc{nepaliencyclopedia_829,
  author       = {{Nepali Encyclopedia Editors}},
  title        = {अमृता आचार्य},
  howpublished = {Nepali Encyclopedia},
  year         = {2026},
  url          = {https://nepaliencyclopedia.com/nepali-encyclopedia/%E0%A4%85%E0%A4%AE%E0%A5%83%E0%A4%A4%E0%A4%BE_%E0%A4%86%E0%A4%9A%E0%A4%BE%E0%A4%B0%E0%A5%8D%E0%A4%AF},
  urldate      = {2026-11-12},
  note         = {Licensed CC BY-SA 4.0}
}

TY  - ELEC
AU  - Nepali Encyclopedia Editors
TI  - अमृता आचार्य
T2  - Nepali Encyclopedia
PY  - 2026
DA  - 2026/10/02
UR  - https://nepaliencyclopedia.com/nepali-encyclopedia/%E0%A4%85%E0%A4%AE%E0%A5%83%E0%A4%A4%E0%A4%BE_%E0%A4%86%E0%A4%9A%E0%A4%BE%E0%A4%B0%E0%A5%8D%E0%A4%AF
Y2  - 2026/11/12
LA  - ne
ER  -